Einstök ævintýraferð til Thailands.

"Leyndardómar Thailands" voru fyrir Covid vinsælasta Thailandsferðin okkar með íslenskri fararstjórn. Eftir Covid hefur Phuket og Krabi svæðið verið vinsælt hjá okkur.

Í nóvember á síðasta ári fórum við í 21. dags ferð þar sem við sameinuðum þessar vinsælustu ferðir okkar og kölluðum hana "Thailand Special". Þema ferðarinnar er sem fyrr NÁTTÚRA – SAGA – UPPLIFUN – AFSLÖPPUN.

Mikil ánægja var með ferðina enda tókst hún einstaklega vel. Við höfum því ákveðið að endurtaka leikinn og fara aftur í Thailand Special. Síðast var uppselt í ferðina enda takmarkað sætaframboð.

Fyrstu tvær vikurnar verðum við töluvert á ferðinni, upplifum margt og heimsækjum marga ólíka staði en síðasta vikan verður meiri slökun.

Eftir að komið er til Thailands verður dvalið í þrjá daga í Bangkok þar sem áhugavert er að upplifa söguna, menninguna og mannlífið. Þá förum við norður í land með áherslu á sögu- og náttúruupplifun, nánar tiltekið til borgarinnar Chiang Rai. Frá Chiang Mai verður flogið aftur til Bangkok og þaðan áfram til Phuket. Stoppum fjórar nætur í Phuket áður en við förum að upplifa náttúrufegurðina í Khao Sok þjóðgarðinum. Í Khao Sok gistum við í tvær nætur og m.a. í fljótandi smáhýsum í einstöku umhverfi. Ferðin endar síðan í Krabi, nánar tiltekið á Ao Nang ströndinni.  Fyrir utan að slappa af fyrir heimferðina þá ætlum við að skoða okkur um á svæðinu og heimsækjum m.a. Phi Phi eyjarnar.

Í þessari ferð munum við því kynnast mörgum ólíkum hliðum lands og þjóðar, frá iðandi mannlífinu í stórborginni, yfir í gjörólíka menningu norður í landi við Chiang Rai og þaðan er haldið í suður í náttúrufegurðina í Khao Sok þjóðgarðinum með viðkomu á ferðamannastaðnum Phuket.

Sjá nánari ferðaáætlun hér að neðan.

10. nóv: Keflavík - Oslo – Bangkok.
Brottför frá Keflavík kl 7:50 og flogið með Icelandair til Osló en áætluð lending þar er kl 11:35.  Þaðan höldum við síðan áfram með Thai Airways til Bangkok kl 13:20. Í Thai Airways vélinni er matur og drykkur innifalin í verði en við fáum kvöldverð fljótlega eftir að við förum í loftið og síðan morgunverð rétt fyrir lendingu. Við þurfum ekki að hafa áhyggur af farangri í millilendingum  því hann innritast í Keflavík alla leið á áfangastað.

11. nóv: Komið til Bangkok.
Við munum lenda á Suvarnabhumi alþjóðarflugvellinum við Bangkok 6:20 og þaðan farið á hótelið okkar, en við verðum með "early check in". Tökum daginn rólega enda lúin eftir langt ferðalag.

Gisting: Grand China Hotel

12 nóv: Bangkok.

Þennan dag verður farið í skoðunarferð um Bangkok.  Við förum snemma í morgunverð en við leggjum af stað frá hótelinu kl 8:00. Við ætlum að kynnast borginni, ekki bara helstu kennileitum og ferðamannastöðum heldur einnig lífi og lifnaðarháttum hins almenna borgara. Til þess að fá sem fjölbreyttasta sýn á mannlífið þá munum við ferðast eins og almenningur það er með lestum eða vögnum, tuk tuk og "strætó" bátum sem sigla um ár og síki borgarinnar. Við hefjum ferðina með því að ferðast með "Skytrain" en á þessum tíma dags eru margir á ferðinni með lestunum, fólk  á leið í vinnu eða skóla sem vill forðast umferðarteppur og mengun á götum borgarinnar en vill ferðast hratt og örugglega í loftkældum rýmum. Við förum úr lestinni nálægt Chao Phraya ánni og færum okkur yfir í strætó bát sem siglir á fastri áætlun um ánna.

Bangkok byggðist upp í kringum Chao Phraya ánna og lengi vel voru bátar helstu farartæki borgarinnar enda meira um síki og skurði en vegi. Það er ekki tilviljun að Bangkok var forðum kölluð "Feneyjar austursins". Við förum úr bátnum rétt við What Pho og Grand Palace enda ætlum við að skoða þessa merku staði. Konungur Thailands bjó forðum í Grand Palace og eru þar margar merkar byggingar auk þess sem við kynnumst þar vel sögu landsins og byggingarlist. Merkasta byggingin á svæðinu er Wat Phra Keo en þar innan dyra er „Emerald Buddha“ sem er það buddalíknesi sem mestur átrúnaður er bundin við á Thailandi.

Á Grand Palace svæðinu er margt að sjá og mynda, en óheimilt er að mynda „Emerald Buddaha“ líkneskið sjálft. „Wat Chetuporn“ hofið sem er betur þekkt sem Wat Po en þar er m.a. 45 metra langt Buddha líkneski. Wat Po er þekkt fyrir að þar var fyrsta miðstöð alþýðumenntunar í landinu og er hofið stundum kallað fyrsti háskólinn auk þess sem þetta er talið vera „heimili“ Thailenska nuddsins.

Næst förum við í tuk tuk sem er þríhjóla farartæki, í huga margra eitt af einkennum Thailands. Tuk tuk er að finna um allt land en í mismunandi útfærslum. Með tuk tuk ætlum við að fara til Soi Ban Batra en þar ætlum við að heimsækja fjölskyldufyrirtæki sem framleiðir sérstakar "munkaskálar". Við fræðumst um Buddismann og hlutverk munkanna í samfélaginu en munkarnir fara á hverjum degi við sólarupprás af stað með skálarnar sínar og taka við matargjöfum frá fólki en maturinn sem þeir safna svona er eini maturinn sem borðaður er í hofunum.                         

                                                                                                                                                                     
Við finnum okkur einhvern stað til að fá okkur hádegisverð. 

Gisting: Grand China Hotel

13. nóv: Bangkok 
Dagurinn á eigin vegum en fararstjórinn verður á ferðinni hugmyndin er t.d. að fara um Kínahverfið, aðal verslunarhverfið, jafnvel næturmarkað og ef ekki var farið á  Khao San Road kvöldið áður þá verður farið þetta kvöld.                                                  

Gisting: Grand China Hotel

14 nóv: Bangkok - Chiang Rai                                                                                                                                                                                        

Tökum daginn snemma en okkur verður ekið út á flugvöll þar sem kl 12:25 við tökum flugið til Chiang Mai sem er næst stærsta borg landsins. Við lendum í Chiang Mai kl 13:55 og verðum fljótlega komin upp á hótel. Slökun það sem eftir er dags.

Norður hluti Thailands sem Chiang Rai stendur á var fyrr á öldum langtímum saman lokað frá öðrum hlutum landsins og er því saga svæðisins og menning um margt ólík öðrum hlutum Thailands. borgin var áður hluti Lanna ríkisins, sem náði frá mið Thailandi í suðri til Laos í norðri. Lanna mætti þýða sem „milljónir af hrísökrum“ sem segir okkur að þetta hafi verið ríkt ríki og eins hver verðmætin voru á þessum tíma. Chiang Rai er nyrsta borg Thailands og er þar margt að sjá og skoða, bæði í borginni og utan hennar.

Gisting: Le Méridien Chiang Rai Resort

Verð kr 785.600, -pr. mann í tvíbýli,   staðfestingargjald 20% af verði.
Aukagjald kr 180.000 fyrir mann í einbýli.

Nánari upplýsingar og bókanir í 8938808 eða mi@ferdin.is

Innifalið í verði:
* Millilandaflug Keflavík - Bangkok - Keflavík

* Innanlandsflug Bangkok - Chiang Rai

* Innanlandsflug Chiang Rai - Bangkok

* Innanlandsflug  Bangkok - Phuket

* Innanlandflug Krabi - Bangkok

* Akstur til og frá flugvöl

* Gisting í  3 nætur með morgunverði á Grand China hótelinu í Bangkok.

* Gisting í 3 nætur með morgunverði á The Legend hótelinu í Chiang Rai.

* Gisting í 4 nætur með morgunverði á Phuket Graceland Resort.

* Gisting með morgunverði í 1 nótt á The Cliff & River í Khao Sok þjóðgarðinum.

* Gisting með fullu fæði í fljótandi smáhýsi á The Laguna Chiewlarn í Khao Sok þjóðgarðinum.

* Gisting í 6 nætur með morgunverði á Aonang Villa Resort á Ao Nang Krabi.

* Skoðunarferð um Bangkok, Grand Palace ofl.

* Skoðunaferð við Chiang Rai

* Enskumælandi fararstjórn í skoðunarferðum.

* Skoðunarferð, sigling út í Phi Phi eyjar.

* Á "frídögum" fer fararstjóri skemmri ferðir t.d. með tuk tuk og er öllum velkomið að koma með.

* Að öðru leyti er bent á ferðalýsinguna hér að ofan.
*
* Íslensk fararstjórn.

Ekki innifalið í verði:
* Forfalla- ferða- og slysatryggingar.
* Drykkir.
* Ferðir sem eru í boði á „frídögum“.
* Þjórfé fyrir leiðsögumenn og bílstjóra.

Takmarkað sætaframboð.
Athugið verðið er miðað við gengi 06.03.2024
Lágmarksfjöldi í ferð með íslenskri fararstjórn er 10 manns.
Hámarksfjöldi í þessa ferð er 20 manns.