12. nóvember til 2. desember 2023 (fullbókað)

Einstök ævintýraferð til Thailands.
"Leyndardómar Thailands" voru fyrir Covid vinsælasta Thailandsferðin okkar með íslenskri fararstjórn. Eftir Covid hefur Phuket og Krabi svæðið verið vinsælt hjá okkur.
Nú höfum við sett upp 21 dags ferð þar sem við "sláum saman" þessum vinsælustu ferðum okkar og köllum hana "Thailand special". Þema ferðarinnar er sem fyrr NÁTTÚRA – SAGA – UPPLIFUN – AFSLÖPPUN.

Fyrstu tvær vikurnar verðum við töluvert á ferðinni, upplifum margt og heimsækjum marga ólíka staði en síðasta vikan verður meiri slökun.

Eftir að komið er til Thailands verður dvalið í þrjá daga í Bangkok þar sem áhugavert er að upplifa söguna, menninguna og mannlífið. Þá förum við norður í land með áherslu á sögu- og náttúruupplifun, nánar tiltekið til borgarinnar Chiang Mai. Frá Chiang Mai verður flogið aftur til Bangkok og þaðan áfram til Phuket. Stoppum fjórar nætur í Phuket áður en við förum að upplifa náttúrufegurðina í Khao Sok þjóðgarðinum. Í Khao Sok gistum við í tvær nætur og m.a. í fljótandi smáhýsum í einstöku umhverfi. Ferðin endar síðan í Krabi, nánar tiltekið á Ao Nang ströndinni.  Fyrir utan að slappa af fyrir heimferðina þá ætlum við að skoða okkur um á svæðinu og heimsækjum m.a. Phi Phi eyjarnar.

Í þessari ferð munum við því kynnast mörgum ólíkum hliðum lands og þjóðar, frá iðandi mannlífinu í stórborginni, yfir í þjóðarbrotin í fjöllunum við Chiang Mai og þaðan í náttúrufegurðina í Khao Sok þjóðgarðinum með viðkomu á ferðamannastaðnum Phuket.

Sjá nánari ferðaáætlun hér að neðan.

12. nóv: Keflavík - Kaupmannahöfn – Bangkok.
Brottför frá Keflavík kl 7:35 og flogið með Icelandair til Kaupmannahafnar en áætluð lending þar er kl 11:55.  Þaðan höldum við síðan áfram með Thai Airways til Bangkok kl 13:50. Í Thai Airways vélinni er matur og drykkur innifalin í verði en við fáum kvöldverð fljótlega eftir að við förum í loftið og síðan morgunverð rétt fyrir lendingu. Við þurfum ekki að hafa áhyggur af farangri í millilendingum  því hann innritast í Keflavík alla leið á áfangastað.

13. nóv: Komið til Bangkok.
Við munum lenda á Suvarnabhumi alþjóðarflugvellinum við Bangkok 6:20 og þaðan farið á hótelið okkar, en við verðum með "early check in". Tökum daginn rólega enda lúin eftir langt ferðalag.

Gisting: Riva Arun Bangkok

14 nóv: Bangkok.

Þennan dag verður farið í skoðunarferð um Bangkok.  Við förum snemma í morgunverð en við leggjum af stað frá hótelinu kl 8:00. Við ætlum að kynnast borginni, ekki bara helstu kennileitum og ferðamannastöðum heldur einnig lífi og lifnaðarháttum hins almenna borgara. Til þess að fá sem fjölbreyttasta sýn á mannlífið þá munum við ferðast eins og almenningur það er með lestum eða vögnum, tuk tuk og "strætó" bátum sem sigla um ár og síki borgarinnar. Við hefjum ferðina með því að ferðast með "Skytrain" en á þessum tíma dags eru margir á ferðinni með lestunum, fólk  á leið í vinnu eða skóla sem vill forðast umferðarteppur og mengun á götum borgarinnar en vill ferðast hratt og örugglega í loftkældum rýmum. Við förum úr lestinni nálægt Chao Phraya ánni og færum okkur yfir í strætó bát sem siglir á fastri áætlun um ánna.

Bangkok byggðist upp í kringum Chao Phraya ánna og lengi vel voru bátar helstu farartæki borgarinnar enda meira um síki og skurði en vegi. Það er ekki tilviljun að Bangkok var forðum kölluð "Feneyjar austursins". Við förum úr bátnum rétt við What Pho og Grand Palace enda ætlum við að skoða þessa merku staði. Konungur Thailands bjó forðum í Grand Palace og eru þar margar merkar byggingar auk þess sem við kynnumst þar vel sögu landsins og byggingarlist. Merkasta byggingin á svæðinu er Wat Phra Keo en þar innan dyra er „Emerald Buddha“ sem er það buddalíknesi sem mestur átrúnaður er bundin við á Thailandi.

Á Grand Palace svæðinu er margt að sjá og mynda, en óheimilt er að mynda „Emerald Buddaha“ líkneskið sjálft. „Wat Chetuporn“ hofið sem er betur þekkt sem Wat Po en þar er m.a. 45 metra langt Buddha líkneski. Wat Po er þekkt fyrir að þar var fyrsta miðstöð alþýðumenntunar í landinu og er hofið stundum kallað fyrsti háskólinn auk þess sem þetta er talið vera „heimili“ Thailenska nuddsins.

Næst förum við í tuk tuk sem er þríhjóla farartæki, í huga margra eitt af einkennum Thailands. Tuk tuk er að finna um allt land en í mismunandi útfærslum. Með tuk tuk ætlum við að fara til Soi Ban Batra en þar ætlum við að heimsækja fjöslkyldufyrirtæki sem framleiðir sérstakar "munkaskálar". Við fræðumst um Buddismann og hlutverk munkanna í samfélaginu en munkarnir fara á hverjum degi við sólarupprás af stað með skálarnar sínar og taka við matargjöfum frá fólki en maturinn sem þeir safna svona er eini maturinn sem borðaður er í hofunum.                         

Þegar við vitum orðið "allt" um munkana og skálarnar þeirra þá förum við um borð í bát sem siglir um síki borgarinnar en í siglingunni fáum við tilfinningu fyrir lífinu við síkin.  Þegar við komum aftur í land heimsækjum við "Jim Thompson House" sem er einskonar miðstöð Thailenska silkisins. Áður en við förum aftur heim á hótel með Skytrain þá getum við skotist í nærliggjandi verslunarmiðstöð ef okkur vantar eitthvað.                                                                                                                                                                      
Við finnum okkur einhvern stað til að fá okkur hádegisverð. 

Gisting: Riva Arun Bangkok

15. nóv: Bangkok 
Dagurinn á eigin vegum en fararstjórinn verður á ferðinni hugmyndin er t.d. að fara í Kínahverfið, aðal verslunarhverfið, jafnvel næturmarkað og ef ekki var farið á  Khao San Road kvöldið áður þá verður farið þetta kvöld.                                                  

Gisting: Riva Arun Bangkok

16 nóv: Bangkok - Chiang Mai                                                                                                                                                                                       

Tökum daginn snemma en okkur verður ekið út á flugvöll þar sem kl 10:10 við tökum flugið til Chiang Mai sem er næst stærsta borg landsins. Við lendum í Chiang Mai kl 11:30 og verðum fljótlega komin upp á hótel. Slökun það sem eftir er dags.

Norður hluti Thailands sem Chiang Mai stendur á var fyrr á öldum langtímum saman lokað frá öðrum hlutum landsins og er því saga svæðisins og menning um margt ólík öðrum hlutum Thailands. Á árunum 1281-1556 var borgin höfuðborg Lanna ríkisins, sem náði frá mið Thailandi í suðri til Laos í norðri. Lanna mætti þýða sem „milljónir af hrísökrum“ sem segir okkur að þetta hafi verið ríkt ríki og eins hver verðmætin voru á þessum tíma. Chiang Mai er ein áhugaverðasta borg Thailands og er margt að sjá og skoða, bæði í borginni og utan hennar.

Gisting: Dusit D2 Chiang Mai

17. nóv:  Chiang Mai  skoðunarferð
Við tökum daginn snemma og ökum norður fyrir Chiang Mai og upp í fjöllin. Okkar fyrsta stopp verður á Mae Malai markaðinum. Á markaðinum hittast margir fjalla þjóðflokkar sem búa í nágrenninu til að kaupa og selja sinn varning. Við munum rölta um markaðinn og skoða hvað er í boði en þarna er m.a. í boði framandi tegundir af ávöxtum og grænmeti. Við höldum síðan áfram en ætlunin er að heimsækja eitthvað af þessum fjallaþorpum og kynnast lifnaðarháttum íbúanna. Saga þessara þjóðarbrota er um margt sérstök en margir þessara þjóðflokka komu á sínum tíma frá nágrannalöndunum, t.d. kínversk þjóðarbrot sem flúðu Mao og menningarbyltinguna. Þegar þessir þjóðflokkar komu á svæðið voru bestu og frjósömustu landsvæðin á láglendinu þegar setin og var þá ekki annað í boði en fjalllendið og landsvæði sem ekki voru eins frjósöm. Þau komu sér því fyrir fjarri annari byggð sem síðan bauð upp á ræktun sem ekki gat verið á almannafæri, þ.e. á tímabili höfðu þessir þjóðflokkar sitt lifibrauð af ópíum framleiðslu. Allt er það breytt í dag og hafa þau snúið sér að annari ræktun en saga þeirra er stórmerkileg.

Við keyrum til þorpsins Baan Thong Youa en þar ætlum við að hefja göngu um svæðið þar sem við göngum á milli þorpa og akra. Akrarnir er fjölbreytilegir eins og saga íbúanna en þjóðarbrotin eru ólík að uppruna eins og fram kemur í siðum þeirra hefðum. Við munum fá "local" hádegisverð á leiðinni. Eftir ca. 2,5 klst göngu komum við í þorpið Baang Phong Ngan en þar býr fólk að ætt Lahu fjallafólks. Hér getum við fylgst með íbúunum við sín daglegu störf en hér lýkur göngunni. Eftir að hafa kvatt íbúana förum við um borð í bambuspramma en við ætlum að fljóta með honum niður á sem rennur fram hjá þorpinu. Það er afslappandi eftir gönguna að fylgjast með gróður- og dýralifinu á bakkanum en siglingin tekur 1 - 1,5 klst. Ef við verðum heppin þá munum við sjá vatnabuffala baða sig í ánni, ýmsar apategundir eru á svæðinu auk litskrúðugra fugla. Þar sem við komum í land bíður bíllinn okkar eftir okkur og kemur okkur aftur á hótelið.

Gisting: Dusit D2 Chiang Mai

18. nóv: Chiang Mai 
Dagurinn á eigin vegum en þau sem það vilja geta farið með fararstjóranum að skoða Doi Suthep hofið ofl. Í borginni eru rúmlega 300 hof og er Doi Suthep „helgast“ þeirra. Hofið stendur á hæð sem er í rúmlega 1.000 metra hæð og er útsýnið úr hofinu yfir Chiang Mai og nágrenni þess er stórkostlegt.
Gisting: Dusit D2 Chiang Mai

19 nóv: Chiang Mai- Bangkok - Phuket
Eftir morgunverð förum við út á flugvöll og tökum flugið niður til Bangkok. Brottför frá Chiang Mai kl 8:30 og lending í Bangkok kl 9:50. Frá Bangkok er síðan flogið áfram kl 11:00 og lent í Phuket kl 12:30.  Við ættum að vera komin á hótelið okkar rúmum klukkutíma síðar.
Gisting: Phuket Graceland Resort.

20 nóv: Phuket
Afslöppun, dagurinn á eigin vegum
Gisting: Phuket Graceland Resort.

21. nóv: Phuket
Afslöppun, dagurinn á eigin vegum, Fararstjóri ætlar aðeins að þvælast um eyjuna og heimsækja t.d. Big Buddah, Karong og Kata ströndina ofl
Gisting: Phuket Graceland Resort.

22. nóv: Phuket
Afslöppun, dagurinn á eigin vegum en hver veit nema einhverjir skreppi yfir á Kamala ströndina í dag.
Gisting: Phuket Graceland Resort.

23. nóv: Phuket - Khao Sok

Eftir morgunverð verður lagt af stað í Khao Sok þjóðgarðinn en akstur þangað tekur 2,5 - 3 klst.  Khao Sok þjóðgarðurinn var stofnaður 22. desember 1980  og er 739 ferkílómetrar að stærð en í þjóðgarðinum er Cheow Lan vatnið sem 165 ferkílómetrar. Fjölbreytt gróður og dýralíf er í garðinum en skógurinn er hluti af regnskógi sem er eldri en sjálfur Amason frumskógurinn. Khao Sok þjóðgarðurinn er upplifun. The Cliff & River hótelið er í einstöku umhverfi, eða eins og maðurinn sagði "náttúrufegurðin maður lifandi"

Gisting: The Cliff & River

24 nóv: Khao Sok
Eftir morgunverð eða nánar tiltekið kl 9:30 verðum við sótt og stefnan sett á bryggjuna við Chiew Larn vatnið. Við eigum bókaðan "long tail" bát kl 11:30 sem mun sigla með okkur út í fljótandi smáhýsin sem við munum gista í. Siglingin þangað tekur rúman klukkutíma. Þegar við komum á staðinn fáum við húsin okkar og förum síðan í hádegismat. Síðan tekur við slökun þar sem hægt er að stinga sér til sunds, skoða nágrennið á kayak eða jafnvel bara gera ekki neitt. Kl 17 verður farið í stutta siglingu á long tail báti þar sem við fylgjumst með sólarlaginu í þjóðgarðinum, hvernig myrkur tekur við af birtunni og næturhljóðin taka fyrir frumskóginn. Ef við verðum heppin þá munum við sjá t.d. villta fíla koma niður að vatninu. Við komum aftur á gististaðinn okkar ca. kl 18:30 og förum beint í kvöldmat.

Gisting: Phupha Waree   

25 nóv: Khao Sok - Ao Nang

Í birtingu, ca kl 6:30 er boðið upp á siglingu eins og kvöldið áður, nema nú til þess að sá daginn taka aftur yfir þ.e. birtan tekur við af myrkrinu. Næturhljóðin þagna, næturdýrin ganga til náðar en aparnir og önnur dýr dagsins taka yfir. Morgunverður kl 7:30 en kl 9:30 förum við aftur um borð í long tail bátinn sem siglir með okkur til lands.  Sigling á Chiew Larn vatninu er ævintýri út af fyrir sig svo gera má ráð fyrir því að siglingin yfir í Panvaree The Greenery og gistingin þar verði eitt af fjölmörgu ógleymanlegu við þessa ferð. Við verðum  komin að bryggju ca kl 10:30 og kl 11:00 leggjum við af stað til Krabi en akstur þangað tekur ca 3 klst.

Gisting: Aonang Villa Resort

26. nóv: Ao Nang

Dagurinn á eigin vegum. Nú síðustu dagana er ætlunin að taka því rólega að mestu og "melta" allt það sem búið er að sjá og upplifa í ferðinni. Hótelið er mjög vel staðsett við ströndina sem er róleg og notaleg auk þess sem sundlaugargarðurinn er einstaklega notalegur. Mikil náttúrufegurð er að svæðinu sem ekki skemmir fyrir.

Gisting: Aonang Villa Resort

27. nóv: Ao Nang

Í dag ætlum við að fara dagsferð í Phi Phi eyjarnar en það er ekki hægt að sleppa því. Við verðum sótt snemma morguns (milli 7 og 8:30) og ekið að bryggjunni þaðan sem hraðbáturinn sem við förum með leggur upp.  Siglingin til Phi Phi eyja tekur ca 45 mín en á leiðinni þangað siglum við fram hjá nokkrum sandsteins kletta eyjum þar sem þær rísa tignalegar upp út Andaman hafinu. Þegar við komum til Phi Phi þá siglum við fram hjá Maya bay sem er ein af fallegustu ströndum Thailands en hún er samt sennilega þekktust fyrir það að Holliwood myndin The Beach var m.a. tekin þar. Við siglum síðan fram hjá Phi Phi Leh, Phi Phi Cove og Monkey Beach. Sjórinn er tær svo við munum finna okkur góðan stað til að stinga okkur til sunds og jafnvel kanna undirdjúpin með því að snorkla.  Við förum síðan í land í Tonsai Bai og fáum hádegisverð. Þegar við höldum áleiðis heim þá siglum við meðfram Bamboo Island og jafnvel fleiru eyjum. Siglum síðan aftur til lands og verður ekið upp á hótel. Það verður notarlegt að skella sér í sturtu og skola af sér sjávarsaltið eftir góðan dag.

Gisting: Aonang Villa Resort

28. nóv: Ao Nang

Dagurinn á eigin vegum.

Gisting: Aonang Villa Resort

29. nóv: Ao Nang

Fararstjórinn ætlar að taka sér far með long tail báti yfir á Railay ströndina, tel líklegt að einhverjir komi með.

Gisting: Aonang Villa Resort                                                                                                                                                                                                                                                                                    

30 nóv: Ao Nang Krabi
Síðasti dagurinn okkar fyrir heimferð.
Gisting: Aonang Villa Resort

01. des: Krabi - Bangkok
Tökum því rólega framan af degi en undir kvöldmat verðum við sótt og ekið út á Krabi flugvöll en kl 20:20 verður farið í loftið og flogið til Bangkok. lending í Bangkok kl 21:45.  

02. des: Bangkok - Ísland
Kl 00:30 verður lagt af stað til Kaupmannahafnar og lent þar kl 6:35 að morgni. Haldið áfram til Keflavíkur kl 13:05 og lent þar kl 15:30.

Verð og fl.

Verð kr 728.000, -pr. mann í tvíbýli,   staðfestingargjald 20% af verði eða kr 145.600- kr.
Aukagjald kr 118.990 fyrir mann í einbýli.

Nánari upplýsingar og bókanir í 8938808 eða mi@ferdin.is

Innifalið í verði:
* Millilandaflug Keflavík - Bangkok - Keflavík

* Innanlandsflug Bangkok - Chiang Mai

* Innanlandsflug Chiang Mai - Bangkok

* Innanlandsflug  Bangkok - Phuket

* Innanlandflug Krabi - Bangkok

* Akstur til og frá flugvöl

* Gisting í  3 nætur með morgunverði á Riva Surya hótelinu í Bangkok.

* Gisting í 3 nætur með morgunverði á Dusit D2 í Chiang Mai.

* Gisting í 4 nætur með morgunverði á Phuket Graceland Resort.

* Gisting með morgunverði í 1 nótt á The Cliff & River í Khao Sok þjóðgarðinum.

* Gisting með fullu fæði í fljótandi smáhýsi á Panvaree Resort í Khao Sok þjóðgarðinum.

* Gisting í 6 nætur með morgunverði á Aonang Villa Resort á Ao Nang Krabi.

* Skoðunarferð um Bangkok, Grand Palace ofl.

* Skoðunaferð við Chiang Mai

* Enskumælandi fararstjórn í skoðunarferðum.

* Skoðunarferð, sigling út í Phi Phi eyjar.

* Á "frídögum" fer fararstjóri skemmri ferðir t.d. með tuk tuk og er öllum velkomið að koma með.

* Að öðru leyti er bent á ferðalýsinguna hér að ofan.
*
* Íslensk fararstjórn.

Ekki innifalið í verði:
* Forfalla- ferða- og slysatryggingar.
* Drykkir.
* Ferðir sem eru í boði á „frídögum“.
* Þjórfé fyrir leiðsögumenn og bílstjóra.

Takmarkað sætaframboð.
Athugið verðið er miðað við gengi 20.03.2023
Lágmarksfjöldi í ferð með íslenskri fararstjórn er 10 manns.
Hámarksfjöldi í þessa ferð er 20 manns.