Ferðin byrjar í Bangkok þar sem þið getið valið á milli ógrynni af spennandi möguleikum  sem borgin hefur uppá að bjóða. Í Bangkok eða „Krung Thep“ eins og borgin er kölluð í daglegu tali er svo mikið af áhugaverðum stöðum að maður gæti notað allt fríið í borginni en samt ekki náð að skoða allt. Eftir að hafa gist í Bangkok í 3 nætur kveðjið þið borgina og ferðist á fyrsta farrými með næturlestinni norður eftir til Chiang Mai. Þó svo að Chiang Mai sé kölluð höfuðborg norður Thailands er borgin meira eins og hugguleg, meðalstór borg, hér er þægilegt andrúmsloft og mikið af mörkuðum og fallegum hofum.

Í Chaing Mai skoðið þið tákn borgarinnar, hofið Doi Suthep sem er staðsett á fjalstoppi með frábært útsýni yfir bæinn. Þið heimsækið einnig lítil fjallaþorp þar sem þið hittið Meo-íbúana sem eru einn af mörgum minnihlutahópum sem búa í norður Thailandi. Síðan fljúgið þið frá Chiang Mai til Krabi og siglið þaðan til litlu og fallegu hitabeltis eyjunnar Koh Lanta. Mikill hluti eyjunnar er þakinn fallegum gróðri og strendurnar eru með þeim bestu á svæðinu.
Hér er hægt að njóta lífsina á ströndunum í fallegu umhverfi og með nýveiddan fisk á grillinu.

Dagur 1: Komið til Bangkok
Það verður náð í ykkur á flugvöllinn í Bangkok og þið keyrð á hótelið.
Gisting: Bangkok

Dagar 2-3: Bangkok.
Dagurinn er á eigin vegum. Notið daginn til að upplifa þessa stórkostlegu stórborg og þann margbreytileika sem borgin hefur uppá að bjóða. Ef ykkur vantar hugmyndir þá skoðið bls. 24–25 þar sem fjallað er um Bangkok.
Gisting: Bangkok (M)

Dagur 4: Bangkok – Chiang Mai
Dagurinn er á eigin vegum. Þið getið skoðað ykkur um í hinni stóru verslunarmiðstöð við Siam Square, fengið gott Thai-nudd við hið þekkta Wat-Po hof, eða heimsótt Khao San sem er mjög lífleg bakpoka gata þar sem mikið úrval er af veitingastöðum, markaðsbásum og fólki frá öllum heimshornum. Það verður síðan náð í ykkur á hótelið snemma um kvöldið og þið keyrð  niður á járnbrautarstöð þar sem þið farið með næturlestinni til Chiang Mai. Þið ferðist í 1. flokks svefn vagni.
Gisting: Næturlest 1. flokks svefnvagn (M)

Dagur 5: Chiang Mai
Þegar þið komið á járnbrautastöðina í Chiang Mai verður tekið á móti ykkur af leiðsögumanni okkar og þið keyrð á hótelið. Hér getið þið slakað á og notið aðstöðunnar á hótelinu eða skoðað ykkur um í bænum.
Gisting: Chiang Mai

Dagur 6: Chiang Mai
Í dag heimsækið þið eitt af helgustu hofum Norður Thailands – Wat Phra Thart Doi Suthep. Leiðsögumaður segir ykkur frá sögulegri merkingu og helgidómum hofsins. Frá hofinu hafið þið frábært útsýni yfir alt Chiang Mai héraðið. Áður en snúið er aftur til Chiang Mai heimsækið þið stærsta markað á svæðinu sem höndlar með ferskar vörur. Talad Wararot. 
Gisting: Chiang Mai (M)

Dagur 7: Chiang Mai
Dagurinn á eigin vegum sem gefur möguleika á að skoða m.a. meira en 300 hof sem eru í og utan bæjarins. 
Gisting: Chiang Mai (M)