Þessi 16 daga hringferð gefur ykkur spennandi innsýn í margbreytileika Thailands. Þið byrjið hringferðina með 2 nóttum í hinni eilíft lifandi milljónaborg, Bangkok.
Síðan farið þið með flugi til hinnar norðlægu Mae Hong Son sem er nálægt landamærum Burma. Þetta er lítill fallegur bær umvafinn gróskumiklum fjöllum og þar búa margir ólíkir minnihlutahópar, sem setur skemmtilegan og litríkan blæ á bæinn.
Næstu dagar bjóða uppá gönguferðir á svæðinu, fílaferð, heimsókn til hins ævintýralega þjóðflokks Long-Neck og sigling á bambuspramma.

Þið fáið einnig innsýn í mismunandi hefðir og lifnaðarhætti þjóðflokkanna ásamt stórkostlegri náttúru.
Þið heimsækið síðan Chiang Mai áður en þið farið með flugi suðureftir til eyjunnar Koh Samui og njótið að vera umvafin pálmatrjám og hvítum, fínum ströndum.
Þessa hringferð er upplagt að fara í ef þið óskið eftir að kynnast spennandi menningu, stórkostlegri náttúru  og slökun í skugga pálmatrjáa.

Athugið að allar ferðir er hægt að lengja eins og ef þið viljið vera 2 nætur á ákveðnum stað í stað einnar og svo framvegis.

Dagur 1: Komið til Bangkok
Við komuna til flugvallar í Bangkok verður tekið á móti ykkur af enskumælandi leiðsögumanni sem keyrir ykkur á hótelið í Bangkok.
Gisting: Bangkok

Dagur 2: Bangkok
Dagurinn er á eigin vegum. Notið daginn til að upplifa þessa stórkostlegu stórborg og þann margbreytileika sem borgin hefur uppá að bjóða. Ef ykkur vantar hugmyndir þá skoðið bls. 24–25 þar sem fjallað er um Bangkok.
Gisting: Bangkok (M)

Dagur 3: Bangkok – Mae Hong Son
Þið fljúgið til Mae Hong Son (flugið er ekki innifalið í verðinu) sem er á norðvestur horni Thailands og skráið ykkur inn á hótelið. Mae Hong Son er miðpunktur fyrir hina mörgu og mismunandi minnihlutahópa á þessu hálenda svæði og bærinn er fullur af menningu, sögu og vingjarnleika. Notið restina af deginum til að skoða ykkur um.
Gisting: Mae Hong Son (M)

Dagur 4: Mae Hong Son Trekking
Dagurinn hefur að geyma einstaka upplifun hvað varðar náttúru og menningu. Þið gangið um regnskóginn, farið á fílsbak, siglið á fljótinu meðfram litlum smábæjum og heimsækið lítinn ættflokka smábæ, þar sem þið komið til með að gista í einföldum smáhýsum.
Gisting: Ættflokka smábær á Mae Hong Son svæðinu (M,H,K)

Dagur 5: Mae Hong Son Trekking
Þið hafið möguleika á að fylgjast með lífi fólksinns í þorpinu áður en þið farið í teggja tíma göngu í gegnum “trópíska” regnskóginn. Þið haldið síðan áfram í bíl í þjóðgarð þar sem eru hellar og fossar. Allan daginn eruð þið að fara í gegnum mismunandi smá þorp þar sem búa ólíkir minnihlutahópar, þið komið tilbaka til Mae Hong Son seinnipart dags.
Það  er möguleiki á að fá auka dag eða auka ferðir á svæðinu, hafið samband við okkur varðandi slíkt.
Gisting: Mae Hong Son (M,H)

Dagur 6: Mae Hong Son – Chiang Mai
Þið verðið sótt á hótelið og keyrð út á flugvöll fyrir brottför til  Chiang Mai (flug ekki innifalið.), höfðustað norður Thailands. Bærin er þekktur fyrir stórkostlegan næturmarkað, fjölmörk musteri og hof, ásamt þægilegu háfjalla loftslagi. Þið hafið restina af deginum til eigin nota.
Gisting: Chiang Mai (M)