Leynardómar Thailands

12. nóvember til 01. desember 2016

Einstök ævintýraferð til Thailands. "Leyndardómar Thailands" hafa undanfarin ár verið vinsælasta Thailandsferðin hjá Ferdin.is og svo er enn.
Þema ferðanna er NÁTTÚRA – SAGA – UPPLIFUN – AFSLÖPPUN. Eftir að komið er til Thailands verður dvalið í tvo daga í Bangkok þar sem áhugavert er að upplifa söguna, menninguna og mannlífið. Þá tekur við níu daga ferð norður í land með áherslu á sögu- og náttúruupplifun.
Ferðin endar síðan á paradísareyjunni Koh Chang sem er rétt við landmærin að Kambódíu, en eyjan er frábær staður til afslöppunar. Sjá nánari ferðaáætlun hér að neðan.

Leyndardómar Thailands

12. nóv: Keflavík - millilending – Bangkok.
Brottför frá Keflavík kl 07:35 og flogið með Icelandair til Osló en þar lendum við kl. 11:05 við höldum síðan áfram með Thai Airways til Bangkok en brottför er kl. 13:30 Í Thai Airways vélinni eru allar veitingar ókeypis og við byrjum á kvöldverð og rétt fyrir lendingu fáum við morgunverð. Lending í Bangkok er síðan daginn eftir kl. 06:20 en allir tímar eru staðartímar. Farangurheimild í þessu flugi eru 30 kg. í innritaðan farangur en 10 kg. í handfarangur. Við þurfum ekki að hafa áhyggur af töskunum því þær innritast alla leið.

13. nóv: Komið til Bangkok.
Við munum lenda á Suvarnabhumi alþjóðarflugvellinum við Bangkok snemma morguns og þaðan farið á hótel í Kínahverfinu í Bangkok. Akstur frá flugvelli á hótel ca. 45 mín. Það bíður okkur morgunverður á hótelinu og herbergin verða tilbúin þegar við komum en það verður afslöppun fram undir hádegi. Kínahverfið er spennandi og áhugaverður heimur út af fyrir sig en við munum ganga um hverfið á leið okkar í hádegismat, sem verður á Suptra River House Restaurant.
Eftir hádegisverð verður farið í siglingu um síki borgarinnar. Bangkok byggðist upp á bökkum Chao Phraya árinnar og á nítjándu öldinni var í Bangkok mikið af síkjum og skurðum út frá ánni sem hægt var að sigla eftir og voru þá bátar aðal farartæki borgarinnar, enda borgin oft kölluð „Feneyjar austursins“  Nú er búið að fylla upp í flest þessara síkja en ekki öll og munum við fara í siglingu um þau og kynnast mannlífinu og byggðinni á bökkum þeirra. Við siglum m.a. fram hjá hofinu „Wat Arun“ en það er einnig þekkt sem „Temple of Dawn“.Hofið sem er a.m.k. frá 17. öld, stendur á bökkum Chao Phraya árinnar og er eitt af kennileitum borgarinnar. Hofið er m.a. þekkt fyrir 79 metra háan turn sem þakin er „mósaíki“ og glitrar því sérkennilega í sólinni. Hádegisverður á "local" veitingastað.
Gisting: Grand China Hotel. (H)

14 nóv: Bangkok.
Þennan dag verður farið í skoðunarferð um Bangkok. Í ferðinni verða m.a. heimsótt nokkur hof, farið í Grand Palace en þar bjó konungurinn forðum. Ferðin hefst með heimsókn í Grand Palace og Wat Phra Keo. Konungur Thailands bjó forðum í Grand Palace og eru þar margar merkar byggingar auk þess sem við kynnumst þar vel sögu landsins og byggingarlist. Merkasta byggingin á svæðinu er Wat Phra Keo en þar innan dyra er „Emerald Buddha“ sem er það buddalíknesi sem mestur átrúnaður er bundin við á Thailandi.
Á Grand Palace svæðinu er margt að sjá og mynda, en óheimilt er að mynda „Emerald Buddaha“ líkneskið sjálft Þá er komið að hofinu „Wat Chetuporn“ sem er betur þekkt sem Wat Po en þar er m.a. 45 metra langt Buddha líkneski. Wat Po er þekkt fyrir að þar var fyrsta miðstöð alþýðumenntunar í landinu og er hofið stundum kallað fyrsti háskólinn auk þess sem þetta er talið vera „heimili“ Thailenska nuddsins. 
Hádegisverður verður snæddur á „local“ veitingastað í ferðinni. "Frí" frá skipulagri dagskrá það sem eftir er dagsins.
Gisting: Grand China Hotel (M/H)

15. nóv: Bangkok – Tak
Eftir morgunverð er farið af Grand China hótelinu og haldið niður að Chao Phraya ánni þar sem farið er um borð í ferjuna „Pearl of Siam“. Með ferjunni verður siglt upp eftir ánni og fáum við þar gott tækifæri til þess að skoða borgina frá því sjónarhorni.
Frá Bangkok verður siglt áleiðis að Ayutthaya fyrrum höfuðborgar Siam, nú Thailands. Borgin var lögð í rúst af herjum Mianmar (Burma) 1767 og er áhugavert að skoða rústirnar og fræðast um sögu borgarinnar. Snæddur verður hádegisverður um borð í ferjunni en siglingarleiðin  er fjölbreytileg, allt frá  iðandi stórborginni yfir í afslappaða sveitarsæluna.
Frá Ayutthaya verður haldið akandi norður til bæjarins Tak en þangað eru ca. 300 km. Tak stendur við fljótið Ping sem var áður aðalflutningsleiðin með vörur til nágrannalandsins Myanmar, nú Burma. Kvöldverður á Krua Kraset Restaurant.
Gisting: Viang Tak Riverside Hotel. (M/H/K)

16 nóv: Tak – Mae Sot
Eftir morgunverð verðurhaldið af stað „út í náttúruna“ en hægt er að segja að þessi dagur, eins og reyndar flestir dagar ferðarinnar, einkennist af mikilli náttúruupplifun.  Þennan dag verður farið um svæði sem er rétt við landamærin við Burma. Þar mun hópurinn kynnast framandi ættbálkum sem búa á svæðinu og heimsækja einn þeirra. Þar munum við munum ganga um þorpið og kynna okkur lifnaðarhætti fólksins og jafnvel "kíkja í heimsókn" inn á eitt heimilið. Síðan verður farið í göngu um frumskóginn þar sem við fáum fræðslu um það hvernig hægt er að búa í frumskóginum og nýta sér hann á sjálfbæran hátt.
Frumskógargangan endar síðan á bökkum Mai La Mao ánni en þar bíða eftir okkur gúmmíbátar sem siglt verður með niður eftir ánni.Frumskógargangan er tvískipt og er fyrri hlutinn á þægilegum skógarstígum sem henta flestum en seinni hlutinn er strembnari og ekki fyrir alla, en fyrir þá sem ekki ganga alla leið þá er hægt að fara aftur í bílinn sem ekur þeim að gúmmíbátunum. Siglingin er ógleymanleg í einstakri náttúrufegurð og ætti að henta öllum.Frumskógarferðin endar síðan með hádegsiverði á "local" veitingastað. Á þessu svæði er hægt að upplifa náttúru, menningu og mannlífi sem er eins ólíkt og verið getur því sem hópurinn hefur þá kynnst í Bangkok.
Eftir matinn verður farið til bæjarins Mae Sot sem er við landamærin að Mianmar (Burma), kíkjum á landamæramarkaðinn  og lítum aðeins yfir landamærin áður en farið verður á hótelið sem gist verður á. Kvöldverður á Kao Mao Kao Fang Restaurant í Mae Sot, en staðurinn sjálfur hefur af mörgum verið kallaður "náttúruparadís".
Gisting: Centara Mae Sot Hill Resort. (M/H/K)

17. nóv:  Mae Sot – Chiang Mai
Eftir morgunverð höldum verður lagt af stað til Chiang Mai en þangað er ca. 400 km akstur. Á þessari leið ferðumst verður farið um svæði sem af mörgum er talið eitt fallegasta landsvæði Thailands. Hópurinn fær innsýn í lífið í þorpunum sem verða á leið hans, skoðaðir hrísgrjónastallar og grænn og gróskumikill regnskógurinn. Hádegisverður snæddur á leiðinni og komið síðla dags til höfuðborgar norður Thailands, Chiang Mai. Kvöldverður á veitingarstað hótelsins.
Gisting: Chaing Mai Plaza Hotel (M/H/K)

18. nóv: Chiang Mai
Hvíldardagur í Chiang Mai, sem verður kærkomin eftir stífa dagskrá dagana á undan. Hægt að slappa af við sundlaugina, rölta um bæinn eða skoða fjölmarga áhugaverða staði sem er að finna í borginni.
Gisting: Chiang Mai Plaza Hotel. (M)

19 nóv: Chiang Mai
Norður hluti Thailands sem Chiang Mai stendur á var fyrr á öldum langtímum saman lokað frá öðrum hlutum landsins og er því saga svæðisins og menning um margt ólík öðrum hlutum Thailands. Á árumum 1281-1556 var borgin höfuðborg Lanna ríkisins, sem náði frá mið Thailandi í suðri til Laos í norðri. Lanna mætti þýða sem „ milljónir af hrísökrum“ sem segir okkur að þetta hafi verið ríkt ríki og eins hver verðmætin voru á þessum tíma. Chiang Mai er ein áhugaverðasta borg Thailands og er margt að sjá og skoða, bæði í borginni og utan hennar.
Í borginni eru rúmlega 300 hof og er Doi Suthep „helgast“ þeirra. Hofið stendur á hæð sem er í rúmlega 1.000 metra hæð og er útsýnið úr hofinu yfir Chiang Mai og nágrenni þess er stórkostlegt. Eftir morgunverð verður Doi Suthep hofið heimsótt og síðan haldið til bæjarins Sangkamphang eftir að hafa snætt hásegisverð á „local“ veitingastað. Bærinn Sangkamphang er þekktur fyrir glæsilegt handverk og  forn vinnubrögð. Litið verður við hjá handverksfólki við vinnu sína en þetta eru m.a. silfursmiðir, vefarar, tréskurðarmeistarar og einnig verður skoðað hvernig hinar litríku sólhlífarnar eru framleiddar. Síðan er farið aftur til Chiang Mai.
Gisting: Chiang Mai Plaza Hotel. (M/H)

20 nóv: Chiang Mai – Thaton
Eftir morgunverð verður lagt af stað norður til Thaton. Á leiðinni þangað verður komið við á fílabúgarði, en þar kynnist hópurinn þessum stóru og gáfuðu skepnum auk þess sem hægt er að skella sér á fílabak um frumskóginn. Fílareiðin er ekki innifalið í verði ferðarinnar og þarf að greiða sérstaklega (ca. 3.500 kr pr/mann). Hádegisverður á „local“ veitingastað, en þar er m.a. hægt að skoða einstaklega fallegar orkídeur. Eftir að komið er til Thaton innritar hópurinn sig á hótelið sem stendur á fallegum stað með útsýni yfir Meakok fljótið. Kvöldverður á hótelinu.
Gisting: Meakok River Village Resort. (M/H/K)

21. nóv: Thaton
Afslöppun í Thaton, en þó fjölmargt í boði fyrir þá sem þess óska s.s. ganga eða hjóla (hægt að leigja reiðhjól) um nágrennið, taka stutt námskeið í thailanskri matargerð, frumskógaferð ofl. Maekok River Village Resort er frábær staður til afslöppunar í einstöku umhverfi.
Gisting: Maekok River Village Resort. (M/H/K)

22 nóv: Thaton – Chiang Rai
Eftir morgunverð verður farið niður að Maekok fljótinu og þar um borð í fljótabát sem siglt verður  með til Chiang Rai. Náttúrufegurðin er ólýsanleg á þessum slóðum og siglingaleiðin einstaklega falleg. Siglt verður meðfram mörgum smáþorpum sem staðsett eru við fljótið en á þessum slóðum búa margir minnihluta hópar. Þessir þjóðflokkar hafa flúið til landsins frá nágrannalöndunum, s.s. Burma, Laos, Tíbet  og Kína. Helst þjóðarbrotin á svæðinu eru Akha-, Hmong-, Lisu-, Karen-, Lahu- og Mienfólk. Eftir að komið er til Chaing Rai verður snæddur hádegisverður á hótelinu en við gistum á Dusit Island Resort Chaing Rai. Dagurinn á eigin vegum það sem eftir er.
Gisting: Dusit Island Resort Chaing Rai. (M/H)

23 nóv: Chiang Rai
Eftir morgunverð er lagt af stað í skoðunarferð um Chiang Rai og nágrenni. Farið verður í Gullna Þríhyrninginn, en það er fljótasvæði við landamæri Thailands, Laos og Myanmar (Burma) sem þekkt var fyrir ópíum sölu og smygl hér áður fyrr. Við munum heimsækja "Hvíta Hofið" en það hof er einstakt í Thailandi, hvað varðar sögu og útlit. Komið verður við í þorpum hjá ættbálkum sem áður fyrr höfðu sitt lifibrauð af ópíumrækt og sölu. Hægt er að fara í siglingu á Mekong fljótinu og fara í stutta heimsókn til Laos, en siglingin er ekki innifalin í verðinu og þarf að greiða fyrir hana sérstaklega. Áhugaverður dagur í fallegu umhverfi. Hádegisverður í Imperial Golden Triangle. Eftir að komið er aftur til Chiang Rai er kvöldverður á hótelinu.
Gisting: Dusit Island Resort Chiang Rai. (M/H/K)

24 nóv: Chiang Rai – Koh Chang
Eftir morgunverð er ekið út á flugvöllinn í Chiang Rai og flogið til Bangkok. Frá flugvellinum í Bangkok verður ekið í suðurátt til bæjarnins Trat en frá Trat er ferjan tekin til eyjunnar Koh Chang. Komið til Koh Chang síðla dags og gist í smáhýsum (bungalows) á Chai Chet Resort. Það verður dvalið á eyjunni í 6 nætur, þ.e. til 10 desember. Þessa daga er hópurinn á eigin vegum en það er ýmislegt í boði þegar að það kemur að afþreyingu og mun fararstjóri fara yfir það á staðanum og skipuleggja dagana í samráði við hópinn.
Gisting: Chai Chet Resort, Koh Chang.  (M)

25. nóv – 29 nóv:  Koh Chang
Ekki ósennilegt að einhverjir vilji einnig taka því rólega til að byrja með, því eyjan er kjörin staður til afslöppunar. Fyrir þá sem vilja nú fara að sjá meira af eyjunni þá er t.d. hægt að "fá sér" kajak og dóla sér með ströndinni. Eyjan Koh Chang er hluti af þjóðgarði er lögð áhersla á rólegheit á staðnum og er því t.d. ekki leyfilegt að vera með Jet sky eða önnur „hávaðatæki“ á svæðinu. Einnig er hægt að fara í göngu um eyjuna með leiðsögn. Koh Chang er fjalllend og þakin frumskógi að mestu og því ekki ráðlegt að fara langt inn í skóginn án leiðsagnar. Fyrir þau sem eiga eftir að fara á fílabak í ferðinni, eða vilja skella sér aftur, þá er hægt að fara skemmtilega ferð inn í frumskóginn sem endar með því að fá sér sundsprett með fílunum.
Mælt er með því að allir fari í „snorkl ferð“ til nærliggjandi eyja. Þetta eru dagsferðir þar sem stoppað á nokkrum stöðum til að „snorkla“.
Gisting: Chai Chet Resort, Koh Chang.  (M)

29 nóv: Koh Chang – Bangkok
Eftir hádegi verður farið í ferjuna sem flytur okkar yfir til meginlandsins, ca. 30 mín sigling. Frá ferjunni verður stefnan tekin á Bangkok þar sem við munum gista í öðru hverfi eða í verslunarhverfinu.
Gisting: Amari Vatergate

30. nóv: Bangkok
Nú gefst fólki kostur á að versla en leiðsögumenn okkar munu fara yfir sæðið og leiðbeina ykkur
Gisting:
Amari Vatergate

01. des: Bangkok - Ísland
Síðasti sjens að versla en um eftirmiddaginn verðum við keyrð út á flugvöl fyrir brottför frá Bangkok kl 00:20 eftir miðnæti þe. þann 03. des. Við fljúgum sömu leið þe. til Osló og áfram til Keflavvíkur. Thai Airways vélinn lendir í Osló kl. 06:50 en við eigum áfram flug með Icelandair kl. 14:05 og lending í Keflavík kl. 15:45 þann 03. desember.

Verð og fl.

Verð kr 625.000, -pr. mann í tvíbýli,
Aukagjald kr 98.990 fyrir mann í einbýli.

Innifalið í verði:
* Akstur frá flugvelli í Bangkok á hótel.
* Gisting í  2 nætur með morgunverði á Grand China Princess hótel.
* Gisting í 9 nætur með morgunverði í hringferðinni norður í land, sjá ferðalýsingu.
* Flug frá Keflavík til Bangkok.
* Gisting í 6 nætur með morgunverði á Chai Chet Resort Koh Chang.
* Skoðunarferð um Bangkok, Grand Palace ofl.
* Enskumælandi thailenskur leiðsögumaður 23. nóvember til 4. des.
* Fullt fæði í 5 daga.
* Hálft fæði 4 daga.
* Sigling frá Bangkok til Ayutthaya.
* Heimsókn og fræðsla um hina fornu höfuðborg Ayutthaya.
* Létt „river rafting“ á Mae La Mao fljótinu í gúmmibátum.
* Leiðsögn um frumskóginn við Mae Sot, 2 – 3 klst ganga um frumskóginn.
* Heimsókn í hið einstaka Doi Suthep hof við Chiang Mai.
* Hálfsdagsferð í handverksbæinn Sangkamphang.
* Heimsók í fílabúðir þar sem boðið er upp á skemmtilega sýningu þar sem fílarnir leika listir sínar. („reiðtúr“ ekki innifalinn).
* Heimsóknir í nokkur fjallaþorp, heimsækjum m.a. ”long neck”, Akha, Yao (lu mien) og Lahu þjóðflokkana .
* Sigling á Maekok River frá Thaton til Chiang Rai.
* Dagsferð í „Gullna Þríhyrninginn“.
* Innanlands flug frá Chiang Rai til Bangkok.
* Akstur og sigling frá Bangkok til Koh Chang.
* Akstur og sigling frá Koh Chang á flugvöll við Bangkok.
* Íslensk fararstjórn.

Ekki innifalið í verði:
* Forfalla- ferða- og slysatryggingar.
* Drykkir.
* Ferðir sem eru í boði á „frídögum“.
* Þjórfé fyrir leiðsögumenn og bílstjóra.

Takmarkað sætaframboð.
Athugið verðið er miðað við gengi
Lágmarksfjöldi í ferð með íslenskri fararstjórn er 10 manns.
Hámarksfjöldi í þessa ferð er 16 manns.